Salut! Ech sinn d’Christine Nehrenhausen an ech schaffe säit Juni 2024 bei der ASTM am Beräich Klimasensibiliséirung an Erwuessenebildung an de Klimabündnis-Gemengen.
No mengem Studium vun de Politikwëssenschaften hunn ech als Kommunikatiounsberoderin am institutionelle Beräich geschafft, éier et mech bei bei FSC Lëtzebuerg – Fir en nohaltege Bësch asbl gezunn huet. Do ware meng Häerzensthemen de Klimawandel mat sengen Auswierkungen op den Ökosystem Bësch an déi negativ Suite vun den Ofholzungen op d’indigen Bevëlkerungen. Wann der mech net grad mat der Nues an engem Buch gesitt, sinn ech gären op de verschiddene kulturellen an ëmweltpoliteschen Eventer ronderëm d’Land.
Ech freeë mech, elo en Deel vum Team Klima-Bündnis / ASTM ze sinn an zesumme mat aneren engagéierte Leit d’Theme vun der Klimagerechtegkeet an Nord-Süd Solidaritéit ze behandelen. Ech hoffe mer treffen eis och gläich an ärer Gemeng fir flott Workshops oder Filmvirféierunge mat ureegenden Diskussiounen.
